टोखामा मेयर उज्यालो कार्यक्रम शुभारम्भ
कपन अनलाइन
काठमाडौं,बैशाख ७ ।टोखा नगरपालिकामा मेयर उज्यालो कार्यक्रमको शुभारम्भ भएको छ ।नगर प्रमुख प्रकाश अधिकारीले मेयर उज्यालो कार्यक्रमको सोमबार शुभारम्भ गरेका हुन । ग्रिनल्याण्ड चोकबाट नगरप्रमुख प्रकाश अधिकारीले स्वीच अन गरेर मेयर उज्यालो कार्यक्रमको उद्घाटन गरेका हुन । नगर भित्रका सबै स्थानमा एकैपटक मेयर उज्यालो कार्यक्रम मार्फत् मुल सडकमा बत्ति बाल्ने कार्यक्रम टोखा नगरपालिकाले विगत १ वर्षदेखि मेयर उज्यालो कार्यक्रमलाई आफ्नो गौरवको योजनामा राखेको थियो ।
मेयर उज्यालो कार्यक्रमसँगै मेयर सुरक्षा कार्यक्रम पनि टोखा नगरपालिकाले अगाडी बढाएको नगर प्रमुख प्रकाश अधिकारीले जानकारी गराएका छन । मेयर सुरक्षा कार्यक्रम अन्तर्गत मुख्य सडक, खोलाका किनार र चोरी लाग्ने स्थानहरुमा नगरपालिकाले सिसि क्यामेरा जडान कार्यलाइ पनि प्राथमिकता दिएको जानकारी गराउदै ढल, खानेपानी र सडक कालोपत्रे भइसकेको स्थानमा सडक बत्ती र सिसि क्यामेरा राख्दै अघि बढ्ने नगरपालिकाको योजना रहेको बताएका छन । उक्त कार्यक्रममा टोखा नगरपालिकाका उपप्रमुख ज्ञानमाया डंगोल, नगर प्रवक्ता बच्चु बस्याल लगायत जनप्रतिनिधिहरु, कर्मचारीहरु र स्थानीय बासिन्दाहरुको सहभागिता रहेको थियो ।सो अवसरमा नगर प्रमुख अधिकारी सहितको टोलि द्वारा सडक बत्तिको अवलोकन समेत गरेका थिए ।
