मेलम्चीमा राष्ट्रपति रनिङ्ग शिल्ड प्रतियोगिता सुरु

कपन अनलाइन

सिन्धुपाल्चोक , बैशाख ४ / विशाल आचार्य

मेलम्ची नगरपालिकामा  राष्ट्रपति रनिङ्ग शिल्ड प्रतियोगिता  सुरु भएको छ । नगरपालिकाको शिक्षा, युवा तथा खेलकुद शाखाको आयोजनामा भएको सो प्रतियोगिताको उद्घाटन मेलम्ची नगरपालिकाका उपप्रमुख भगवति नेपालले गरेकी हुन्  । नेपालले  उद्घाटनका क्रममा सबै विद्यालयका विद्यार्थीहरुलाई खेलमा सफलताका लागि शुभकामना दिएकी थिइन्  । प्रतियोगितामा मेलम्ची नगरपालिकाका २१ वटा माध्यमिक विद्यालयहरुले सहभागिता जनाएका छन।

शुक्रबार बाट सुरु भएको कार्यक्रम आइतबार सकिने नगरपालिकाले जनाएको छ । प्रतियोगिताको पहिलो दिन हावाहुरीका कारण खेलमा बाधा पुगेकाले महिला र पुरुष सटफुट प्रतियोगिता, महिला र पुरुष १५ सय मिटर सम्पन्न मात्र सम्पन्न भएको र उक्त चार खेलहरुमा बाल सुधार माध्यमिक विद्यालयले ३ वटा गोल्ड मेडल र इन्द्रेश्वरी मा.वि.ले १ वटा गोल्ड मेडल हात पार्न सफल भएको प्रतियोगिताका सहजकर्ता राजनमान श्रेष्ठले जानकारी दिएका छन  ।

प्रतियोगिता समारोह कार्यक्रममा मेलम्ची नगर उपप्रमखुख भगवती नेपाल लगाएत शिक्षा, युवा तथा खेलकुद शाखाका अधिकृत सुदिनराज बुढाथोकि र इन्द्रावती माध्यमिक विद्यालयका प्रधानाध्यापक राधाकृष्ण श्रेष्ठले मतव्य राखेका थिए  । ३ दिने प्रतियोगिता शुक्रबार बाट सुरु भएको हो ।