काठमाडौं महानगरपालिका वडा नं २० जैसिदेवलमा आगलागी

कपन अनलाइन

काठमाण्डौ ,चैत्र २२।

काठमाडौं महानगरपालिका वडा नम्बर २० जैसिदेवलस्थित एक घरमा आगलागी भएको छ।आइतबार बिहान करिब १० बजे बिजुली सर्ट भएर आगलागी भएको महानगरीय प्रहरी परिसर काठमाडौंले जनाएको छ।

रत्नलक्ष्मी रञ्जितको चार तले पुरानो घरमा आगलागी भएको परिसरले जनाएको छ। दमकल र प्रहरीको सहयतामा आगो निभाइसकेको छ।आगलागीबाट धेरै क्षति हुन नपाएको प्रहरीले जनाएको छ। प्रहरीले घटनास्थलको मुचुल्का गरिरहेको छ।