काठमाण्डौ क्षेत्र नं ४ मा संगठन परिचालन र व्यवस्थापनको अभियानमा छौ : तेज ढकाल (संयोजक ,नेकपा एमाले काठमाण्डौ -४ )

कपन अनलाइन

काठमाण्डौ ,चैत्र २२।

नेकपा एमाले काठमाण्डौ क्षेत्र नं ४ का संयोजक तेज ढकालले क्षेत्रले  संगठन परिचालन र व्यवस्थापनको कामलाई प्राथमिकतामा राखेको बताएका छन।

बुढानिलकण्ठ नगरपालिकाका ८ र काठमाण्डौ महानगरपालिकाका ४ वटा वडा रहेको काठमाण्डौ क्षेत्र नं ४ का सबै वडा कमिटिहरुलाई बैठक तथा भेलाका लागि निर्देशन दिएको र सो कार्य शुरु भैसकेको बताउदै ढकालले पार्टी कार्यकर्ता र नेताहरुका विचमा पछिल्लो राजनीतिक घटनाक्रमहरुका वारेमा गम्भीर समिक्षा गरिएको जानकारी दिएका छन।

पहिलो चरणमा सबै वडा तथा टोल कमिटिहरुको पुनर्गठन र गठनलाई ध्यानमा राख्दै संगठन विस्तारको कामलाई अगाडी बढाएको बताउदै उनले सो अभियान संगै संघीय र स्थानीय सरकारले गरेका राम्रा र सकारात्मक कामहरुलाई जनताको विचमा पुर्याउन सबै कमिटि र जन संगठनहरुको परिचालनमा जोड दिने बताएका छन।

त्यस्तै दोश्रो चरणमा स्थानीय तहमा हुने विकास निर्माण लगायतका कामहरुमा पार्टी पंक्तिलाई परिचालन गर्ने योजना रहेको बताउदै ढकालले सदस्यता वितरण र अध्यावधिक गर्ने कामलाई पनि अगाडी बढाउन क्षेत्रीय कार्यालय व्यवस्थापन लगायतको काम सम्पन्न गरेको जानकारी दिएका छन।