डा.राजन भट्टराई द्वारा बुढानिलकण्ठ नगरपालिका वडा नं २ मा दुई विकास योजनाको शिलान्यास
कपन अनलाइन
काठमाण्डौ ,चैत्र १५ ।
नेपाल कम्युनिस्ट पार्टी एमालेका केन्द्रीय सदस्य तथा प्रधानमन्त्रीका विदेस मामिला सल्लाहाकार डा.राजन भट्टराईले बुढानिलकण्ठ नगरपालिका वडा नं २ मा दुई विकास योजनाको शिलान्यास गरेका छन।
काठमाण्डौ क्षेत्र नं ४ को खानेपानी समस्या सामाधानलाई प्राथमिकतामा राखेर पहल गरिरहेका डा.भट्टराईले वडा नं २ को पाण्डावाङ्ग खानेपानी आयोजना र पर्यटन प्रवर्धनका लागि च्यानडांडामा सिढी निर्माणको पनि शिलान्यास गरेका थिए।
दुई योजनाहरुको शिलान्यास पश्चात डा.राजन भट्टराईले निर्वाचनको समयमा गरेको एक घर एक धाराको प्रतिवदत्ता पुरा गर्न जनप्रतिनिधिहरुलाई आग्रह गर्दै बुढानिलकण्ठ नगरपालिकामा रहेका पानी मुहानहरुको संरक्षण र उपयोगका योजनाहरु बनाउनु पर्नेमा जोड दिएका थिए।
उक्त शिलान्यास कार्यक्रममा नेकपा एमाले प्रदेस कमिटीका सदस्य तथा नगरपालिकाका सल्लाहकार सुन्दर पुर्कुटी ,नेकपा एमाले काठमाण्डौ जिल्ला कमिटी सदस्य विदुर विक्रम खड्का , क्षेत्र नं ४ का संयोजक तेज ढकाल ,नेकपा एमाले बुढानिलकण्ठका अध्यक्ष प्रदिप डंगोल,वडा नं १ का अध्यक्ष सुरेन्द्र लामा,वडा नं २ का अध्यक्ष राजेन्द्र खड्का ,सदस्यहरु राजेन्द्र श्रेष्ठ ,ज्ञानु थापा लगायतको उपस्थिति रहेको थियो।
