काठमाडौंको बल्खुमा एक महिलाको हत्या

कपन अनलाइन

काठमाडौं ,चैत्र ३।

काठमाडौंको बल्खुस्थित सुकुम्बासी बस्तीमा सन्तोषी श्रेष्ठ सापकोटाको हत्या भएको छ । सोमबार साँझ बल्खु पुल नजिकैको बस्तीमा हत्या गरेर बोरामा पोको पारेको अवस्थामा सन्तोषीको शव प्रहरीले बरामद गरेको हो ।जोरपाटी माइती भएकी ३३ वर्षीय सन्तोषी परिवारसँग बल्खुमा बस्दै आएकी थिइन् ।

उनी बस्ने घरको पछाडि पेटीबाट शव बरामद गरिएको छ । उनका पति सन्तोष सापकोटासँग उनको पछिल्लो समय विवाद बढेको थियो ।

सन्तोषीका श्रीमान सन्तोष फरार छन् । सन्तोषका  बुवा भक्तपुरमा फर्निचर पुर्याउन गएको बेला दम्पतीबीच झगडा हुँदा सन्तोषले उनको हत्या गरेको प्रहरीको प्रारम्भिक अनुसन्धानको निष्कर्ष छ ।