बि डिभिजनमा पहिलो खेल खेल्ने नयाबस्ती युवा क्लबलाइ गोकर्णेश्वर नगरपालिकाको सहयोग
कपन अनलाइन
काठमाडौं, फागुन १० । नयाँबस्ती युवा क्लबलाई अफिसियल जर्सी प्रदान गरिएको छ । आज एक कार्यक्रमका बीच गोकर्णेश्वर नगरपालिका वडा नं ५ का वडा अध्यक्ष नारायण बहादुर सुवेदी र गोकर्णेश्वर नगरपालिका वडा नं ६ का वडा अध्यक्ष रमेश अर्यालले संयुक्त रुपमा अखिल नेपाल फुटबल संघ द्वारा आयोजित बि डिभिजन फुटबलमा सहभागिता जनाएको नयाबस्ती युवा क्लबका खेलाडीहरुको लागि जर्सी तथा अफिसियलहरुको लागि ट्रयाक सुट प्रदान गरेका थिए ।
फागुन ११ गते बाट शुरु हुने अखिल नेपाल फुटबल संघ द्वारा आयोजित बि डिभिजन फुटबल खेलको पहिलो खेल नयाँबस्ती युवा क्लबले मध्यपुर ठिमी संग पहिलो खेल खेल्दैछ ।जर्सी प्रदान गर्दै जनप्रतिनिधिहरुले खेलाडीहरुलाई जितको शुभकामना दिएका थिए । बि डिभिजनमा पहिलो खेल खेल्ने नयाबस्ती युवा क्लबलाइ गोकर्णेश्वर नगरपालिकाले आर्थिक सहयोग समेत गरेको छ ।
