भक्तपुरमा टिपरको ठक्करबाट स्कुल बस चालकको मृत्यु

कपन अनलाइन

भक्तपुर ,फागुन ९।

भक्तपुरमा टिपरको ठक्करबाट एक बोर्डिङ स्कुल बसका चालकको ज्यान गएको छ ।

अरनिको राजमार्गमा पर्ने भक्तपुर नगरपालिका–१ घलातेचोकमा सल्लाघारीबाट जगातीतर्फ जाँदै गरेको बा ५ ख ४७९ नम्बरको टिपरको ठक्करबाट सिन्धुपाल्चोक घर भएका ३५ वर्षीय बलराम तामाङको मृत्यु भएको प्रहरीले जनाएको छ ।

प्रहरीका अनुसार सिन्धुपाल्चोकको बलेफी गाउँपालिका ७ घर भएका तामाङ ललितपुरको कुपण्डोलस्थित नाईटिङ्गेल बोर्डिङ स्कुलको बसका चालक हुन् । दुर्घटनापछि टिपर पनि सडक किरारमा पल्टिएको प्रहरीले जनाएको छ । टिपर चालक सिन्धुपाल्चोकको साँगाचोकगढी नगरपालिका–११ का २९ वर्षीय सुरेन्द्र खत्रीलाई प्रहरीले पक्राउ गरेको छ