गोकर्णेश्वर नगरपालिका ३ सुन्ताखान टोठाडोलमा आगलागी

कपन अनलाइन

काठमाडौं, फागुन ३  ।गोकर्णेश्वर नगरपालिका वडा नं. ३ सुन्ताखान टोठाडोलमा २ वटा उद्योगमा आगलागि भएको छ । ५ वर्ष अघि देखी संचालनमा रहेको शारिका दालमोठ उद्योगमा आगलागी भएको हो ।फागुन २ गते अपरान्ह २ बजे तिर उक्त उद्योगमा आगलागी भएको हो।

आगलागी बाट उद्योग पूर्ण रुपमा क्षति भएको छ भने संगै  रहेको सिद्दिका प्याकिंग उद्योगमा पनि क्षति पुगेको छ ।उक्त उद्योग बाट  बजारमा लैजान तयार पारिएका चियापत्ती सहित  किराना पसलका लागि बजारमा लैजान स्टोर गरिएका सामानहरुमा समेत क्षति पुगेको छ  ।

आगलागि को खबर पाउने बित्तिकै महानगरीय प्रहरी प्रभाग  गोकर्ण र काठमाडौं महानगरपालिकाको दमकलको संयुक्त प्रयास बाट आगो नियन्त्रणमा लिइएको थियो ।आगलागीबाट दुबै उद्योग रहेको फलामे ट्रस सहित उद्योगको मेसिन, कच्चा पदार्थ सहितका सामानमा क्षति पुगेको छ।  आगलागीबाट कुनै मानवीय क्षति भने हुन् पाएन।  आगलागी बिद्युत शर्ट भएर  हुन सक्ने प्रारम्भिक अनुसन्धान बाट खुलेको छ ।