विभिन्न कम्पनिका मोबाईल तथा लत्ताकपडाहरु सहित पक्राउ

कपन अनलाइन

काठमाडौं ,पुस १०।

विभिन्न कम्पनिका मोबाईल तथा लत्ताकपडाहरु सहित बिपिन मानन्धर  पक्राउ परेका छन। पुस ७ गते अन्दाजी १०:४८ बजे काठमाडौं महानगरपालिका वडा  नं. २३ कालीमाटी स्थायी वतन भएका विपिन मानन्धर त्रिभुवन अन्तर्राष्ट्रिय विमानस्थलको अन्तर्राष्ट्रिय आगमनतर्फको नयाँ पार्किङ एरियामा आई नेपाल एयरलाईन्सको उडान नं. RA 410 द्वारा हङकङबाट काठमाण्डौं आगमन भएका विभिन्न यात्रुहरुलाई भन्सार छली गर्न लगाई अन्दाजी रु.१५,७५,०००।– (पध्र लाख पचहत्तर हजार मात्र) बरावरको विभिन्न कम्पनिका मोबाइलहरु थान-१३, रेडिमेट कपडा (ज्याकेट, स्वीटर, सर्ट, पाइन्ट ), मनि पर्स, कस्मेटिक सामानहरु अबैध रुपमा संकलन गरी लैजान लागेको अवस्थामा पक्राउ परेका छन।

प्रहरीले   सामानहरु बरामद गरी बरामद सामानहरु सहित निजलाई आवश्यक कारवाहीको लागि त्रिभुवन विमानस्थल भन्सार कार्यालय, गौचर पठाएको छ  ।