टोल टोलमा पुग्दै कागेश्वरी मनोहरा नगरपालिका प्रमुख कृष्णहरि थापा
कपन अनलाइन
काठमाडौं, पौष ३ ।कागेश्वरी मनोहरा नगरपालिकाका प्रमुख कृष्णहरि थापा नगरमा भएका विकास निर्माणका कामहरुको अनुगमनमा केन्द्रित भएका छन । कोरोना रोकथाम तथा जोखिम न्यूनीकरणका साथ साथै विकास निर्माणलाइ पनि गति दिने उदेश्यले उनले पुन टोल टोलमा मेयर अभियानलाइ सुचारु गरेका हुन ।उनले कागेश्वरी मनोहरा नगरपालिका वडा नं २ मा भए गरेका विकास निर्माणको निरीक्षण गर्नुको साथै बिकासका कामहरु गुणस्तरिय र दिगो हुनुपर्ने भन्दै स्थानीय संग छलफलमा केन्द्रित भएका हुन् ।
निर्वाचन दौरानमा प्रमुख थापाले जनता संग गरेको प्रतिबद्धतालाइ पुरा गर्नको लागि जनताको माझमा पुगेका हुन् । आफ्नो पांच बर्षे कार्यकालको दौरान तीन वर्ष सम्म नगरपालिकाको दीर्घकालीन योजना तथा प्रशासनिक नीतिगत र कानुनी पूर्वाधार निर्माण गर्न केन्द्रित भएका नगर प्रमुख जनताको माझमा पुगी भए गरेका काम प्रगती र आगमी दिनमा गर्न पर्ने योजनाको बारेमा समेत छलफल गरेका थिए । टोल टोलमा मेयर अभियान नै लिएर उनि टोल टोलमा पुग्दै आएका छन ।
उनि संगै कागेश्वरी मनोहरा नगरपालिका वडा नं ३ का वडा अध्यक्ष राममणि पुडासैनी पनि सहभागी भएका थिए । उनले पौष १ गते कागेश्वरी मनोहरा नगरपालिका वडा नं १ मा भए गरेका विकास निर्माणका कामहरुको निरिक्षण गर्नुको साथै स्थानीयहरु संग छलफल समेत गरेका थिए ।
