काठमाडौं महानगरपालिका वडा नं ७ मैजुबहाल चक्रपथ कालोपत्रे अन्तिम चरणमा

कपन अनलाइन

काठमाडौं ,मंसिर २९।

काठमाडौं महानगरपालिका वडा नं  ७ को  मैजुबहाल चक्रपथ कालोपत्रे अन्तिम चरणमा पुगेको छ। काठमाडौं महानगरपालिका वडा नं ७ को महत्वपूर्ण क्षेत्रका रुपमा रहेको मैजुबहालमा रहेका विभिन्न टोलका सडकहरुलाई एकसाथ कालोपत्रे गर्दै मैजुबहाल चक्रपथ पुरा गर्न लागिएको वडा नं ७ का अध्यक्ष सुद्ध डंगोलले बताएका छन।

काठमाडौं महानगरपालिका वडा नं ७ को योजनामा उक्त क्षेत्रको मैजुवहाल बंगलामुखी , लाहुरेटाेल, श्रमस्कुल, आईडियल स्कुल, सामुदायिक भवन हुदै चुच्चेपाटि निस्कने सो सडकको बजेट व्यवस्थापन काठमाडौं महानगरपालिकाले गरेको हो।

ढलान सहित करिव दुई किलोमिटर लम्बाई रहेको उक्त मैजुबहाल चक्रपथ निर्माणको लागत भ्याट सहित ७ करोड ४४ लाख रहेको जानकारी दिदै  संगै वडा नं ७ का डंगोलले वडाका अन्य सडकमा प्याचिंग कार्य भैरहेको बताएका छन।