बुढानिलकण्ठको महादेव खोला संरक्षणका लागि छलफल

कपन अनलाइन

काठमाडौं ,कार्तिक २५।

बुढानिलकण्ठको महादेव खोला संरक्षणका लागि छलफल गरिएको छ। बुढानिलकण्ठ नगरपालिकाको धार्मिक तथा सांस्कृतिक महत्व बोकेको सो खोलाको सरसफाई र संरक्षण गर्दै यसको ऐतिहासिक महत्वलाई प्रवर्धनका लागि काठमाडौं क्षेत्र नं ५ (२ ) बाट निर्वाचित बागमती प्रदेस सभाका सदस्य दिपक निरौलाको संयोजनमा छलफल गरिएको हो।

बुढानिलकण्ठ नगरपालिकाका प्रमुख उद्दव खरेल ,नेकपा काठमाडौं जिल्ला कमिटी सदस्य विदुर विक्रम खड्का , नेकपा बुढानिलकण्ठका अध्यक्ष रबिन अधिकारी ,सचिव प्रदिप डंगोल ,वडा नं १ का अध्यक्ष सुरेन्द्र लामा, वडा नं ३ का अध्यक्ष बालकृष्ण श्रेष्ठ , बुढानिलकण्ठ युवा क्लवका अध्यक्ष गणेश कुँवर ,सनातन धर्म सेवा समितिका अध्यक्ष विकास तामांग र नगरपालिकाका इन्जिनियर बैकुण्ठ भण्डारी लगायतको उपस्थितिमा सो खोला सर सफाइ ,बुढानिलकण्ठ -मुहान पोखरी सडक निर्माण लगायतका विषयमा छलफल गरिएको थियो।

त्यस्तै सो छलफलमा उक्त क्षेत्रमा खानेपानी समस्या समाधान र सेवा उपलव्ध गराउने विभिन्न कार्यक्रमका लागि पहल गर्ने निर्णय गरिएको थियो ।