लायन्स क्लब अफ काठमाडौं कपनको रक्तदान सम्पन्न
कपन अनलाइन
काठमाडौं,कार्तिक १। लायन्स क्लब इन्टरनेसनल डिस्ट्रिक ३२५ ए१ अन्तर्गतको लायन्स क्लब अफ काठमाडौं कपनको आयोजनामा रक्तदान कार्यक्रम सम्पन्न भएको छ ।
बुढानिलकण्ठ नगरपालिका वडा नं ११ र पैयटार युथ क्लबको सहयोगमा बुढानिलकण्ठ नगरपालिका वडा नं ११ कपन पैयटार स्थित यज्ञमति माध्यमिक बिद्यालयमा शुक्रबार सुरक्षित तवर बाट गरिएको उक्त रक्तदान कार्यक्रम मार्फत २६ पिन्ट रगत संकलन भएको लायन्स क्लब अफ काठमाडौं कपनका प्रेसिडेन्ट लायन कुमार खड्काले जानकारी गराए ।
उनले रक्तदान गर्न इच्छुक धेरै भए पनि स्वास्थ्य लगायत बिभिन्न कारणले रक्तदान गर्न नसकेको पनि जानकारी गराए। उनका अनुसार लायन्स क्लबले बार्षिक रुपमा बिभिन्न सामाजिक कार्य गर्दै आएको र सो कार्यमा रक्तदान पनि समेटिएको बताए ।
उक्त कार्यक्रममा लायन्स क्लब इन्टरनेसनल डिस्ट्रिक ३२५ ए१का फर्स्ट भाइस डिस्ट्रिक गभर्नर लायन कर्मा गुरुङ, क्याबिनेट सेक्रेटरी लायन बिमल कुमार श्रेष्ठ,क्याबिनेट ट्रेजरर लायन श्यामकुमार यादब, लायन बिनोद कुमार श्रेष्ठ बुढानिलकण्ठ नगरपालिका वडा नं ११ का वडा अध्यक्ष राजु अधिकारी,वडा सदस्य बिमल लामा लगायत लायन्स क्लब अफ काठमाडौं कपनका पदाधिकारी सहित रक्तदाताहरुको उपस्थिति रहेको थियो ।
