कागेश्वरीमा हुने भनिएको प्रथम वडा नं ३ स्तरीय टेबल टेनिस प्रतियोगिता स्थगित

कपन अनलाइन

काठमाडौं,असोज १।  कागेश्वरी मनोहरा नगरपालिका वडा नं ३ मा  २०७७ साल कात्तिक २ गतेदेखि  ५ गते सम्म आयोजना गर्ने भनिएको प्रथम वडा ३ स्तरीय टेबुल टेनिस प्रतियोगिता स्थगित भएको छ । कागेश्वोरी मनोहरा नगरपालिका वडा नम्बर ३ खेलकुद बिकास समितीले आयोजना गर्ने भनिएको “प्रथम वडा ३ स्तरिय टेबल टेनिस प्रतियोगिता” अर्को सुचना जारी नभए सम्मको लागी स्थगित गरिएको हो  ।

विश्व महामारीको रुपमा देखिएको कोरोना भाईरसको बढ्दो त्रासलाई ध्यानमा राखी उक्त प्रतियोगिता हाललाइ स्थगित गरिएको कागेश्वरी मनोहरा नगरपालिका वडा नं ३ का वडा अध्यक्ष राममणि पुडासैनीले सार्वजनिक सुचना जारी गरि जानकारी गराएका हुन्    ।