गजल :बसन्ता बराल

कपन अनलाइन

काठमाडौं ,असोज १२।

सहज भेटिदैंमा छ सस्तो नसोच्नु
पहेंलो हुँदैमा सुनै हो नसोच्नु ।

शिखरबाट झर्दा ओरालो छ बाटो
भिरालो सबै नै उकालो नसोच्नु ।

म सागर सरी छू, घडा भर्न सक्छौ
भरी आफु बन्यौ, रित्तो भो नसोच्नु ।

सहें चोट सारा तिमीले दिएका
रहें मौनतामा अचानो नसोच्नु ।

निभाएर बत्ती नछेक्दा उज्यालो
ओडाएर कालो अँध्यारो नसोच्नु ।

सहकार्य : बानेश्वर साहित्यिक साप्ताहिक