गजल:रामकुमार श्रेष्ठ ‘फुच्चे’
कपन अनलाइन
काठमाडौं ,साउन १७ ।
महङ्गीले मुग्लान पस्दैछन् मिलाएर देखा सरकार ।
कुरितीलाई जरैदेखि जिलाएर देखा सरकार ।।
रेमिट्यान्सले देश धान्यो रे उदेक लाग्छ सुन्दा पनि,
अशक्तलाई दुईछाक लिटो खुवाएर देखा सरकार ।
साउदी कतार दुवई अरब युवा शक्ति हानिदैँछन्,
हुँदा खाने जनताको मन सिलाएर देखा सरकार ।
हर बस्तीमा बिरामीको उपचार होस दुरदराजमा,
नसकेनी सिटामोल त पिलाएर देखा सरकार ।
युवा जमात बन्द बाकस रोक्न सक्छस भने आजै,
स्वदेशमै युवा रोजगार दिलाएर देखा सरकार ।
तपाइँको प्रतिक्रिया ।
