बल्ने ढुङ्गा भन्दै मानिसलाई झुक्काएर ठगी गर्ने गिरोह पक्राउ

कपन अनलाइन

काठमाडौं ,साउन १०।

यतिखेर रंगीन तथा बल्ने ढुङ्गा भन्दै मानिसलाई झुक्काएर ठगी गर्ने गिरोह पनि सक्रिय रहेको छ। प्रहरीले बिहीवार दिउँसोमात्र काठमाडौं महानगरपालिका वडा नम्वर ११ त्रिपुरेश्वर स्थित सार्वजानिक सडक खण्डमा विभिन्न प्रकारका रङ्गिन ढुङ्गाहरु देखाएर ठगी गर्ने दुई जनालाई नियन्त्रणमा लिएको छ।

अकेश नकर्मीलाई प्रहरीले नियन्त्रणमा लिएको हो। चन्द्रागिरी नगरपालिका वडा नं. १४ का ३२ वर्षीय उनी पेशाले गाडी चालक हुन्। एसएलसीसम्म पढेका छन्। उनलाई ठगी कर्ममा साथ दिएका थिए विक्की मगरले। नुवाकोट घर भएका विक्की केही समयदेखि नैकापमा बस्दै आएका छन्। २२ वर्षीय विक्की टुरिष्ट गाइड पनि हुन्।

‘विभिन्न तरिकाले मानिसले पैसा कमाउने सजिलो बाटो ठगी बनाएका छन्। त्यसैले सबै जना सचेत हुनुपर्ने देखिन्छ,’ एसएसपी श्याम ज्ञवालीले भने। दुवैलाई प्रहरीले पक्राउ गरेको हो।