त्रिज्योती मावी बुढानिलकण्ठ -१२ मा कक्षा ११ का लागि अनलाइन दर्ता खुल्यो

कपन अनलाइन

काठमाडौं ,साउन ९।

बुढानिलकण्ठ नगरपालिका वडा नं १२ मा रहेको त्रिज्योती मावीले कक्षा ११ का लागि अनलाइन दर्ता खोलेको जानकारी दिएको छ। बि सं २०५१ शालमा स्थापना भएको सो विद्यालयमा कक्षा ११ मा व्यवस्थापन तथा कानुन संकायका लागि अनलाइन दर्ता शुरु गरिएको प्रधानाध्यापक गणेश कुमार मिश्रले जानकारी दिएका छन।

नियमित शैक्षिक पठन पाठनका साथमा विभिन्न रचनात्मक तथा बौद्धिक गतिविधिहरु संचालन गर्दै आएको सो विद्यालयले कक्षा ११ का लागि अनलाइन आवेदन माग्दै जेहेन्दार तथा मेहेनती विद्यार्थीका लागि छात्रवृति दिने पनि घोषणा गरेको छ।

भौतिक तथा शैक्षिक पूर्वाधारमा सम्पन्न रहेको त्रिज्योती मावीमा यातायात,खेलकुद पूर्वाधार,नियमित अतिरिक्त क्रियाकलाप सहित विभिन्न साहित्यिक ,सांस्कृतिक तथा सामाजिक सेवाको प्रवर्धन गर्ने कार्यक्रमहरु रहेको प्रधानाध्यापक मिश्रले जानकारी दिएका छन।