गोकर्णेश्वर महादेव मन्दिरमा सनातन शिव आराधना निरन्तरता कार्यक्रमको शुभारम्भ
कपन अनलाइन
काठमाडौं श्रावण ४। गोकर्णेश्वर नगरपालिका वडा नं ४ स्थित गोकर्णेश्वर महादेव मन्दिरमा सनातन शिव आराधना निरन्तरता कार्यक्रमको शुभारम्भ भएको छ ।गोकर्णेश्वर नगरपालिका धार्मिक समिती एबम गोकर्णेश्वर महादेव मन्दिर क्षेत्र प्रबन्ध समितिको सयुक्त पहलमा महादेव ,गदाधर र पार्बती को प्राचीन पद्धती अनुसार गर्ने पुजाको शुभारम्भ भएको हो ।
नगर प्रमुख सन्तोष चालिसेको प्रमुख आतिथ्यमा सम्पन्न उक्त कार्यक्रममा उप प्रमुख शान्ती नेपाल ,गोकर्णेश्वर नगरपालिका वडा नं १ देखि ९ सम्म कै वडा अध्यक्षहरु गोकर्णेश्वर नगरपालिकाका प्रमुख सल्लाहकार दिपक रिसाल, प्राध्यापक डा ऋषिराम पोखरेल,समाजसेवी दिपक सि भण्डारी लगायत स्थानीयको उपस्थिति रहेको थियो।
कान्ति भैरब गुरुकुलका बटुकहरुको स्वस्ति बाचन सहित शुरु भएको सो कार्यक्रममा गोकर्णेश्वर महादेव लगायत प्रांगणमा रहेका देबी देवताको नित्य पुजाको समय तालिका समेत सार्वजनिक गरिएको थियो।कार्यक्रममा स्वागत मन्तब्य राख्दै गोकर्णेश्वर नगरपालिका धार्मिक समिति संयोजक दिवाकर भण्डारीले कार्यक्रमको उदेश्य माथि प्रकाश पारेका थिए ।
प्राचिन काल देखि मौलिक बाजा सहित नित्य पुजा हुदै आएको सो महादेव मन्दिरमा समय क्रम संगै नित्य पुजामा दमाह सनाही बजाउने बिधि हराएको र त्यो समय क्रम संगै त्यो बिधि जानेका शिप भएका ब्यक्तिहरुको देहावसान भए पछि त्यो संस्कृति पनि हराउदै गएको हुन श्रावण १ गते देखि पुन सोहि बिधि बाट नित्य पुजा सुरु गर्न लागिएको जानकारी गराए ।पुजाको त्यो बिधिलाई लोप हुन नदिनको लागि गोकर्णेश्वर महादेव मन्दिर क्षेत्र प्रबन्ध समिति र गोकर्णेश्वर नगरपालिका धार्मिक समितिको पहलमा उक्त कार्यको पुन शुभारम्भ गरिएको जानकारी गराइएको थियो ।
त्यसैगरि सोहि कार्यक्रममा गोकर्णेश्वर महादेव मन्दिरमा धार्मिक पर्यटन प्रवर्द्धनका लागि गोकर्णेश्वर महादेव मन्दिर बारेमा जानकारी दिने उदेश्यले बाबुको मुख हेर्ने दिन मन्दिरमा डिजिटल डिस्प्ले बोर्ड राख्ने तयारी भइरहेको पनि जानकारी गराइएको थियो । कार्यक्रममा नित्य पुजामा बजाइने प्राचीन दमाहा सनाई समेत हस्तान्तरण गरिएको थियो ।
कार्यक्रममा गोकर्णेश्वर नगरपालिका प्रवक्ता एबम वडा नं ८ का वडा अध्यक्ष मनोज कुमार ढुंगाना, नगरपालिकाका प्रमुख सल्लाहकार दिपक रिसाल गोकर्णेश्वर नगरपालिका वडा नं ३ का वडा अध्यक्ष श्रीकुमार श्रेष्ठ, नगर उप प्रमुख शान्ती नेपाल ,नगर प्रमुख सन्तोष चालिसे लगायतले शुभकामना मन्तब्य राखेका थिए ।
