शंखरापुर नगरपालिका हाललाइ कोरोना मुक्त नगर :नगर प्रमुख सुवर्ण श्रेष्ठ

कपन अनलाइन

काठमाडौं श्रावण ४ शंखरापुर नगरपालिकामा कोरोना भाइरस संक्रमित कोहि पनि नभएकोले नगरपालिका कोरोना मुक्त भएको शंखरापुर नगरपालिकाका प्रमुख सुवर्ण  श्रेष्ठले जानकारी गराएका छन ।नगरपालिकाले संचालन गरेको क्वारेन्टाइनमा रहेका १६ जनाको पि.सि.आर. रिपोर्ट नेगेटिभ आए संगै कोरोना संक्रमित नभएको उनले बताए ।

यसअघि पि.सि.आर रिपोर्ट पोजेटिभ आएकी भनिएकी फेदिका ४४ वर्षीय महिला र शंखरापुर ८ भुल्बुमा स्थायी बसोबास रहेका हाल गागल फेदि बस्ने ५ वर्षीय बालकको राष्ट्रिय जनस्वास्थ्य प्रयोगशाला टेकुमा पि.सि.आर परिक्षण गर्दा नेगेटिभ रिपोर्ट आइ  हाल उनीहरु घर फर्की सकेको समेत प्रमुख  श्रेष्ठले जानकारी दिएका छन। एक सय ६५ जनामा गरिएको पीसीआर परिक्षणबाट कसैमा पनि संक्रमण नदेखिएको पनि नगर प्रमुख सुवर्ण श्रेष्ठले जानकारी दिएका छन् ।उनले शंखरापुर नगरपालिका कोरोना मुक्त भए पनि साबधानी भने अपनाउन छोड्न नहुने बताए।