कागेश्वरी मनोहरा ५ मा अनियन्त्रित भई ट्रीपरमा ठक्कर दिने सेनाको गाडी प्रहरी नियन्त्रणमा

कपन अनलाइन

काठमाडौं जेठ ३१। नेपाली सेनाको गाडीले आज  कागेश्वरी मनोहरा नगरपालिका वडा नं ५ डाँछीमा रोकी राखेको ट्रीपरमा गलत साइडमा गएर ठक्कर दिएको छ।काठमाडौं तराई /मधेश द्रुत मार्ग( Expressway) सडक आयोजना नेपाली सेना स्टिकर टाँसिएको  बा २झ ३३७९ नम्बरको गाडीले रोकि राखेको बा ३ ख ८० ३६ नम्बरको ट्रीपरलाइ ठक्कर दिइ भागेको थियो।

ठक्कर बाट कुनै मानवीय क्षति नभए पनि दुवै गाडीमा क्षती पुगेको छ  ।उक्त भाग्दै गरेको  गाडीलाई महानगरीय प्रहरी प्रभाग थलि द्वारा गोकर्ण बाट नियन्त्रणमा लिएको थियो , तर गाडी चालक भने गाडी छोडेर फरार भएको र उक्त फरार व्यक्तिको खोजि कार्य भईरहेको प्रहरी जानकारी गराएको छ ।

 हाल उक्त गाडी महानगरीय प्रहरी वृत्त ट्राफिक प्रहरीको नियन्त्रणमा रहेको  र सो बिषयमा थप  आवश्यक अनुसन्धान भैरहेको प्रहरीले जनाएको छ ।स्थानीयहरुले  उक्त चालकले मादक पदार्थ सेवान गरेको हुन सक्ने आसंका ब्यक्त गरेका छन ।