शिक्षासेवी स्वर्गीय बाल कुमार गुरुङको प्रथम स्मृति दिवस सम्पन्न
कपन अनलाइन
काठमाडौं ,जेष्ठ ३१।
निजी तथा आवासीय विद्यालय संगठन काठमाडौँ (प्याब्सक) ले पूर्व अध्यक्ष, कान्तिपुर एकेडेमी हाई स्कूलका संस्थापक प्रिन्सिपल शिक्षासेवी स्वर्गिय बाल कुमार गुरुङको सम्झनामा ‘प्रथम स्मृति दिवस’ मनाएको छ ।
जेठ ३० गते (आज) कान्तिपुर एकेडेमीको प्रांगण बौद्ध, पिपलबोटमा भएको प्रथम स्मिृति दिवस प्याब्सकका अध्यक्ष गेन्द्र लामाको अध्यक्षता तथा तथा एन प्याब्सनका अध्यक्ष ऋतुराज सापकोटाको प्रमुख आतिथ्यतामा भएको थियो।
लामो समय शिक्षा क्षेत्रको उन्नयनमा योगदान दिएका स्वर्गीय गुरुङको प्रथम स्मृति दिवसमा एन प्याब्सनका प्रमुख सल्लाहकार कर्ण बहादुर शाही, एन प्याब्सनका उपमहासचिव पारसमणि दाहाल, एन प्याब्सन काठमाडौँका निवर्तमान अध्यक्ष विष्णु पराजुली, कान्तिपुर एकेडेमीकी प्रिन्सिपल एवं स्वं. गुरुङको श्रीमती लक्ष्मि गुरुङ, प्याब्सक पदाधिकारी, विभिन्न स्कूलका प्रिन्सिपल लगायतको उपस्थिति रहेको थियो ।
सो कार्यक्रमका वक्ताहरुले स्वंर्गिय गुरुङको योगदानको स्मरण गर्दै उनले शिक्षा तथा सामाजिक क्षेत्रमा पुर्याएको योगदान महत्वपूर्ण रहेको धारणा राखेका थिए। फोटो सौजन्य : केटीएम खबर
