काठमाडौं महानगरपालिका वडा नं ८ जयबागेश्वरीमा आकाशे पुलको शिलान्यास

काठमाडौं महानगरपालिका वडा नं ८ जयबागेश्वरीमा आकाशे पुलको शिलान्यास

कपन अनलाइन

काठमाडौं ,जेष्ठ १९।

काठमाडौं महानगरपालिका वडा नं ८ जयबागेश्वरीमा आकाशे पुलको शिलान्यास भएको छ। सो क्षेत्रमा निर्माण गरिने सो आकाशे पुलको परम्परागत बिधिबाट जग पूजा गरेर संघीय संसद गगनकुमार थापा, प्रदेश सभा सदस्य नरोत्तम बैद्य, महानगरकी उपप्रमुख हरिप्रभा खड्गी श्रेष्ठ, वडाध्यक्ष दिनेश डंगोल र वडा सदस्यहरुले संयुक्त रुपमा शिलान्यास गरेका थिए ।

सो स्थानमा  स्टिल ट्रस बाट निर्माण हुने आकाशे पुलको कुल लागत भ्याट बाहेक ६४ लाख ९९ हजार ७५ रुपैयाँ ४५ पैसा रहेको छ।

बागेश्वरी क्षेत्रमा सवारी साधनले ठक्कर दिएर धेरै पैदल यात्रुको ज्यान गएकोले  दुर्घटनाको जोखिम घटाउन र वडालाई पूर्वाधारले सम्पन्न बनाउन सार्न मिल्ने आकाशे पुल निर्माण गर्न लागिएको वडा अध्यक्ष दिनेस डंगोलले जानकारी दिएका छन।

सो पुल आगामी  ४ महिनामा निर्माण सम्पन्न गर्ने लक्ष्य राखिएको वडाले जानकारी दिएको छ ।फोटो सौजन्य : काठमाडौं अनलाइन

तपाइँको प्रतिक्रिया ।