बुढानिलकण्ठ -१० मा ५० जनाद्वारा रक्तदान
कपन अनलाइन
काठमाडौं ,बैशाख १६।
बुढानिलकण्ठ नगरपालिका वडा नं १० मा आयोजना गरिएको आकस्मिक रक्तदान कार्यक्रममा ५० जनाले रक्तदान गरेका छन।जोसेफ एजुकेसनल नेटवर्क, कपन जेसिज र बुनपा.-१० युबा सन्जालको संयुक्त आयोजनामा भएको उक्त आकस्मिक कार्यक्रममा जनप्रतिनिधि ,सुरक्षाकर्मी ,खेलाडी तथा अन्य व्यक्तिहरुले रक्तदान गरेका थिए।
बिहान ११.३० बजे शुरु भएको कार्यक्रम १.३० बजे सम्पन्न भएको र नेपाल रेडक्रसले ल्याएको ५० पिन्ट रगत संकलन गरिएको आयोजकले जानकारी दिएको छ।
कार्यक्रम सफल बनाउन सहयोग गर्ने बुनपा १० का वडा अध्यक्ष नवराज भट्टराई, वडा सदस्य चन्द्रमान श्रेष्ठ, कपन प्रहरी प्रमुख तथा प्रहरी टिम, काठमाडौं खेलकुद समाजका अध्यक्ष बद्री भट्टराई, सदाबहार खेलकुद समाज परिबार, रेडक्रस सोसाइटीको प्राबिधिक टिम, कपन जेसिज परिबार,भोटे समाज परिबार, समाजसेवी तथा ७० औं पटक रक्तदान गर्ने माधाबलाल श्रेष्ठ सर, बुनपा १० युबा संजाल परिबार लगायतलाई आयोजकले धन्यवाद दिएको छ।
