टोखा नगरपालिका वडा नं ३ मा राहत वितरण तथा अनुगमन समिति गठन

कपन अनलाइन

काठमाडौं ,चैत १९।

विश्वभर महामारीको रुपमा फैलिरहेको नबोल कोरोना भाइसर कोभिड-१९ रोकथाम तथा नियन्त्रणका लागि टोखा नगरपालिका वडा नं ३ ले लकडाउनको समयमा अनावश्यक घरबाट बाहिर निस्किनेलाई नियन्त्रण गर्न तथा सामाजिक सुरक्षाका लागि सुरक्षा स्वयम् सेवक दस्ता तथा राहत तथा अनुगमन टोलिको गठन गरिएको छ ।

स्थानीय राजनीतिक दल तथा संघसंस्थाका प्रतिनिधि समेतिल रामराज श्रेष्ठको संयोजकत्वमा ४४ सदसीय सुरक्षा स्वयम् सेवक दस्ताको गठन गरिएको छ । उक्त गठिक दस्ताले एक समुहमा ४ जना रहने गरी ११ वटा समुह बनाई मंगलबारदेखि कार्य थाल्नी गरिएको संयोजक रामराज श्रेष्ठले बताए ।

गठित उक्त दस्ताले मुख्य मुख्य चोकमा तैनान रही सर्वसाधारणको निगरानी राख्नुका साथै सूचना तथा सतर्कता गराउने समेत कार्यहरु गर्ने छन् ।

त्यस्तै गरी जनप्रतिनिधि हरिमान श्रेष्ठको संयोजकत्वमा  साविक सरस्वती गा.वि.स को ७ सदसीय राहत वितरण तथा अनुगमन समितिको गठन गरिएको छ । भने त्यस्तै गरी साविक गंगबु गा.वि.स. अन्तर्गत बद्री के.सिको संयोजकत्वमा ६ सदसीय राहत वितरण तथा अनुगमन समितिको गठन गरिएको वडा अध्यक्ष सिहराज श्रेष्ठले जानकारी दिए ।