मोलुङ प्राप्चामा शिक्षिकाको शव भेटियो

कपन अनलाइन

ओखलढुंगा ,फागुन २८ ।

मोलुङ गाउँपालिकाको श्रीचौरस्थित सहिद पेशल प्राविमा अध्यापनरत शिक्षिका हिरा कार्की मृत अवस्थामा फेला परेकी छिन् । आज विहान घरबाट विद्यालय हिँडेकी कार्की मृत अवस्थामा सोहि गाउँपालिकाको वडा नं ५ को प्राप्चामा भेटिएको हो ।

कार्कीको शव घोप्टो परेको र मुखबाट रगत बहेको अवस्थाम भेटिएको स्थानीयले बताएका छन् । कार्की दैनिक २ घण्टा पैदल हिँडेर विद्यालय आवत जावत गर्दै आएकी  थिइन् । घटनाबारे अनुसन्धान भइरहेको इलाका प्रहरी चौकी रामपुरका इन्सपेक्टर श्रीप्रसाद राईले जानकारी दिएका छन  ।

घटनाको थप अनुसन्धान गर्न जिल्ला प्रहरी कार्यालय ओखलढुंगाबाट अनुसन्धान टोली खटिएको छ । जिल्लाबाट खटिएको इन्सपेक्टर मिलन बस्नेतसहितको टोलीले घटना स्थलमा पुगेर घटना अध्ययन गरिरेको इन्सपेक्टर राईले बताएका छन  ।