यातायात कार्यलय स्वयम्भुका अधिकृत घुससहित पक्राउ

 कपन अनलाइन

काठमाडौं, माघ २० । यातायात व्यवस्था सेवा कार्यालय, सानो भर्‍याङ स्वयम्भुमा कार्यरत एक अधिकृत र सेवाग्राहीलाई अख्तियार दुरुपयोग अनुसन्धान आयोगले घुससहित नियन्त्रणमा लिएको छ।

घुस दिएकाे आराेपमा दीपक खतिवडा र घुस लिएकाे आराेपमा शिवलाल पौडेललाई अख्तियारको टोलीले कार्यालय परिसरबाटै नियन्त्रणमा लिएको हो।

खतिवडाले सवारी कर र प्रदूषणवापतको रकम तिर्न १३ हजार रूपैयाँ घुस दिइरहेको अवस्थामा अख्तियारको टोलीले रंगेहात पक्राउ गरेको प्रवक्ता प्रदीपकुमार कोइरालाले जानकारी दिए।