“तेस्रो सम्झना कप”खुल्ला अन्तरास्ट्रिय टेबुल टेनिस प्रतियोगिता हुने
कपन अनलाइन
काठमाडौँ , माघ १४ । “तेस्रो सम्झना कप”खुल्ला अन्तरास्ट्रिय टेबल टेनिस प्रतियोगिता-२०२० हुने भएको छ ।
ललितपुर टेबल टेनिस क्लबले पत्रकार सम्मेलन गरी उक्त प्रतियोगिता २०७६ माघ १८ गते देखि २०७६ माघ २५ गते सम्म लैनचौरस्थित राष्ट्रिय टेबल टेनिस प्रशिक्षण केन्द्रमा हुने जनाएको छ ।
उक्त प्रतियोगितामा मित्र रास्ट्रहरु भारत , दक्षिण कोरिया , र पाकिस्तान तथा नेपालको तीन विभागीय टोलि सहित अखिल नेपाल टेबल टेनिस संघ मा आबद्ध जिल्ला /स्कुल र कलेजबाट ५२४ खेलाडीहरुको सहभागिता रहने छ । खेलाडीहरुले १४ स्वर्ण , १४ रजत , २८ कास्य पदकका लागि प्रतिस्पर्धा गर्ने छन् ।
उक्त प्रतियोगितामा खुल्लातर्फ पुरुष एकल, महिला एकल, पुरुष भेट्रान एकल (४० माथि), महिला र पुरुष एकल (कलेज), १६ बर्षमुनी महिला र पुरुष एकल, १४ वर्ष मुनी महिला र पुरुष एकल र १२ वर्ष मुनी महिला र पुरुष एकलमा प्रतिस्पर्धा हुनेछ ।
