उदयपुरमा जीप दुर्घटना हुँदा दुई जनाको मृत्यु

 कपन अनलाइन

उदयपुर,पुस २४। उदयपुरको ताप्ली गाँउपालिका–२ धपेनीमा बुधबार साँझ  मे १ ज २६६२ नम्बरको बोलेरो दुर्घटना हुँदा दुई जनाको घटनास्थलमै मृत्यु भएको थियो ।

जीप दुर्घटना हुँदा ताप्ली गाउँपालिका २ लेखगाउँ बस्ने २६ वर्षिय मिलन राई र झापा जिल्ला विर्तामोड बस्ने अन्दाजी ३३ वर्षिय महेन्द्र राईको मृत्यु भएको जिल्ला प्रहरी कार्यालय उदयपुरले जनाएको छ । प्रहरीका अनुसार ताप्लीकै रामपुरझिल्केबाट बछाङ्ग जाँदै गरेको जीप दुर्घटना हुँदा दुई जनाको मृत्यु हुनुको साथै चार जना गम्भिर घाइते भएका थिए ।

दुर्घटनामा परी ताप्ली गाउँपालिका २ लेखगाउँका २७ वर्षिय बाबु राई र ४० वर्षिय रसमाया राई गम्भीर घाइते भएका छन । चालक २१ वर्षिय कोमल राज मगर, ३२ वर्षिय मोतिलाल राई पनि घाइते भएका थिए । उनीहरुलाई उपचारका लागि कटारी अस्पताल ल्याइएको प्रहरीले बताएको छ ।