बुढानिलकण्ठ नगरपालिका भवन उद्घाटनमा सहभागी बनौ !
कपन अनलाइन
काठमाडौं ,मंसिर १४
बुढानिलकण्ठ नगरपालिकाको भवन यही मंसिर १६ गते सोमबार उद्घाटन हुने भएको छ।नौ करोड ८६ लाख ६१ हजार ४५६ रुपैयाँको लागतमा निर्माण भएको सो भवनको उद्घाटन नेपाल सरकारका उपप्रधानमन्त्री ईश्वर पोखरेलले गर्ने नगरपालिकाले पत्रकार सम्मेलन गरेर जानकारी दिएको हो।
बुढानिलकण्ठ नगरपालिका वडा -८ को करिव २४ रोपनी क्षेत्रफलमा रहेको उक्त प्रसासनिक भवन २३३२.९३ बर्ग मिटर रहेको नगर प्रवक्ता नवराज भट्टराईले जानकरी दिएका छन।
सोही अवसरमा नगरपालिकाका प्रमुख प्रसासकिय अधिकृत कुमार कोइरालाले भवनमा लिफ्ट , बगैचा र अन्य केही पुर्वाधार निर्माण बाकी रहे पनि अन्य काम हुने गरि कार्य संचालन गरेको जानकारी दिदै अब भेटेरिनरी बाहेक सबै शाखा एउटै भवनमा रहने बताएका छ्न।
कोइरालाले २०७१ शालमा गठन भएका नगरपालिका मध्ये आफ्नै भवनमा सर्ने बुढानिलकण्ठ पहिलो नगर पालिका बनेकोमा खुसी व्यक्त गर्दै सम्पुर्ण नगरवासीलाई भवन उद्घाटन कार्यक्रममा सहभागी बन्न अनुरोध गरेका छ्न।
उक्त पत्रकार सम्मेलनमा कार्यक्रम स्थल ब्यवस्थापन समितीका संयोजक राजेन्द्र खड्का , प्रचार प्रसार समितिका संयोजक नवराज भट्टराई ,सांस्कृतिक समितिका संयोजक श्री कृष्ण श्रेष्ठ तथा पार्किङ ब्यवस्थापन समितीका संयोजक सुकुलाल सुनार लगायतले तयारीका वारेमा जानकारी दिएका थिए ।
बुढानिलकण्ठ नगरपालिकाका प्रमुख उद्दव खरेलले निकै प्राथमिकतामा राखेर विशेष पहल गरेको भवन निर्माण सम्पन्न भए पश्चात सेवा प्रवाह र नगरपालिकाका गतिविधिमा तीव्रता आउने अपेक्षा गरिएको छ।
