मदन भण्डारी र प्रचण्ड विच धेरै समानता छन : सांसद कृष्णगोपाल श्रेष्ठ
कपन अनलाइन
काठमाडौं ,कार्तिक ११ ।
नेपाल कम्युनिस्ट पार्टीका केन्द्रिय सदस्य तथा काठमाडौं क्षेत्र नं ९ का प्रतिनिधि सभा सदस्य कृष्णगोपाल श्रेष्ठले मदन भण्डारी र पुष्पकमल दाहाल प्रचण्ड विच धेरै कुरामा समानता रहेको बताएका छन ।
चन्द्रागिरी नगरपालिका वडा नं १५ को आयोजनामा भएको वडा अध्यक्ष शैक्षिक विकास कोषको दोश्रो वार्सिकोत्सव तथा सम्मान कार्यक्रमममा बोल्दै श्रेष्ठले सो कुरा बताएका हुन् ।
आफुले स्वर्गीय जननेता मदन भण्डारी संग लामो समय सहकार्य गरेको स्मरण गर्दै श्रेष्ठले २८ वर्ष अगाडी भएको मुनाल क्लवको कार्यक्रममा भण्डारीले गरेको सम्बोधनलाई सम्झिएका थिए ।
नेकपाका अध्यक्ष प्रचण्डको कालो टोपी र चस्मा देख्दा मदन भण्डारीको धेरै याद आउने बताउदै श्रेष्ठले परिवर्तन प्रति भण्डारी र दाहालको लगाव र रुची उस्तै रहेको धारणा राखेका थिए ।
भण्डारी र दाहालमा निर्णय क्षेमता र राजनीतिक बुझाई समान रहेको भन्दै श्रेष्ठले नेपालको कम्युनिस्ट आन्दोलनले उचाई प्राप्त गर्नुमा उनीहरुको महत्वपूर्ण भूमिका रहेको धारणा राखेका थिए ।
