गगन थापा कपनबाट चुनावी अभियान सुरु गर्दै

कपन अनलाइनकाठमाडौं क्षेत्र नं. ४ बाट नेपाली कांग्रेसले सर्वसम्मत उम्मेदवारको रुपमा चयन गरेका गगन थापाले आफ्नो चुनावी अभियान कपनबाट सुरु गर्ने बताएका छन् । केन्द्रले अझै उम्मेदवारको सुचि बनाइनसके पनि असोज महिनाको १ गतेदेखि चुनावी अभियानचाहिँ सुरु हुने उनले बताए । को उम्मेदवार हुने भन्ने कुरा गौण विषय भएकोले कांग्रेसलाई जिताउन पर्ने भएकोले चुनावी अभियानको सुरु भैहाल्ने थापाले बताएका हुन् । गाविस भए पनि कपन क्षेत्र नं. ४ को सबैभन्दा महत्वपूर्ण क्षेत्र भएकोले चुनावी अभियानको सुरुवात कपनबाटै गरिने कपन अनलाइनसँगको एक छोटो भेटमा उनले बताएका हुन् । क्षेत्र नं. ४ का इकाई सभापतिहरुसँग चुनावी रणनीति बनाउन उनी सक्रिय रहेका छन् ।