गैरसरकारी संस्था महासंघ काठमाडौं शाखाको १७औ साधारण सभा सम्पन्न
कपन अनलाइन
काठमाडौ,माघ १५।
गैरसरकारी संस्था महासंघ काठमाडौं शाखाको १७औ साधारण सभा सम्पन्न भएको छ ।
काठमाडौं शाखाकी अध्यक्ष रन्जु नापितको अध्यक्षतामा भएको साधारण सभाको प्रमुख अतिथि माहासंघका बरिष्ट उपाध्यक्ष श्रीकृष्ण गौतम रहेका थिए ।
काठमाडौं शाखाका उपाध्यक्ष रत्न उप्रेतीले स्वागत मन्तव्य व्यक्त गरेको उक्त कार्यक्रमा संस्थाको वार्षिक प्रगती प्रतिवेदन शाखाका सह सचिव गोकुल सापकोटाले प्रस्तुत गरेका थिए भने आर्थिक प्रतिवेदन कोषाध्यक्ष राम भटराईले प्रस्तुत गरेका थिए ।
त्यसैगरी महासंघका केन्द्रीय सदस्य भावना भट्टले गैसस बारे कानुन अझै स्पष्ट नभैसकेको अवस्थामा स्थानीय तहमा समन्वय र सहकार्य गर्न कठिनाई रहेको धारणा राखेकी थिइन् ।
त्यसैगरी महासंघ केन्द्रीय बरिष्ट उपाध्यक्ष श्रीकृष्ण गौतमले गैससले शुसासन र पारदर्षिताको बहस पैरवी सहितको अभियान सन्चालन गरि रहेको हुंदा स्थानीय तहमा समन्वय र सहकार्यको लागि स्पष्ट कानुन बन्नु पर्ने बताएका थिए ।
उक्त साधारण सभामा काठमाडौं जिल्लमा क्रियाशील रहेका गैर सरकारी संस्थाका प्रतिनिधि हरुको सहभागिता रहेको थियो ।
