बुढानिलकण्ठ युवा समाजको रक्तदान कार्यक्रम सम्पन्न

कपन अनलाइन 

काठमाडौ,पौष ३०।

बुढानिलकण्ठ युवा समाजको आयोजनमा भएको रक्तदान कार्यक्रममा ५२ जनाले रक्तदान गरेका छन ।बुढानिलकण्ठ नगरपालिका वडा नं १२ घटराज भट्टराई सालिक नजिक भएको उक्त कार्यक्रममा विभिन्न व्यक्तित्वहरुले रक्तदान गरेका थिए।

जाडो मौसममा रगतको अभाव हुने भएकोले समाज सेवाको उच्चतम रुप रक्तदान गरिएको समाजका अध्यक्ष निसान पुडासैनीले बताए।नेपाल रेड क्रस सोसाइटी कपन को सहयोग रहेको उक्त कार्यक्रममा रक्तदातालाई प्रमाण पत्र वितरण गरिएको थियो ।

यस कार्यक्रमका साथमा समुहले विभिन्न सामाजिक कामहरु गर्दै आएको र आगामी दिनमा पनि युवा शशक्तिकरणका विभिन्न कार्यक्रम गर्ने समाजका सचिव अनोज लुइटेलले बताए ।

कार्यक्रमलाई पुष्पलाल मेमोरियल मावी र रङ सुजको सहयोग रहेको थियो ।