भक्तपुर सिपाडोलमा मोटरसाइकल दुर्घटना,एकको मृत्यु,एक घाइते

कपन अनलाइन

भक्तपुर , पौष १६।

भक्तपुरको सुर्यविनायक नगरपालिका-८ सिपाडोलमा हिजो एक दम्पती सवार रहेको मोटरसाइकल दुर्घटना हुँदा श्रीमतीको मृत्यु भएको छ,श्रीमान् भने घाइते भएका छन् । मृत्यु हुनेमा भक्तपुरको चाँगुनारायण बस्ने ३७ बर्षीया पवित्रा थापा खड्का रहेकी छिन् । दुर्घटनामा गम्भीर घाइते भएकी पवित्राको भक्तपुर अस्पताल उपचारको क्रममा मृत्यु भएको हो ।

दुर्घटनामा परेका पवित्राका श्रीमान् सुन्दर खड्कालाई भने थप उपचारको लागी नेपाल प्रहरी अस्पताल महाराजगंज पठाइएको छ । हिजो अपरान्हमा आशापुरीबाट डोलेश्वरतर्फ जाँदै गरेको बा६४प २०७८ नम्बरको मोटरसाईकल अनियन्त्रित भएर सडकबाट अन्दाजी १ सय मिटर तल खसेको थियो । मोटरसाइकल चालक खड्का महानगरिय प्रहरी वृत्त बालाजुमा कार्यरत प्रहरी नायव निरीक्षक रहेको बुझिएको छ ।