कपनका युवा संग डा. राजन भट्टराईको अन्तरक्रिया

कपन अनलाइन 

काठमाडौ,मंगसिर १३

बाम गठवन्धनको तर्फ बाट काठमाडौं क्षेत्र नं ४ का प्रतिनिधि सभा उम्मेदवार डा. राजन भट्टराई ले साविक कपनका युवाहरु संग अन्तरक्रिया गरेका छन ।राजनीतिमा पहिला सहभागी नभएका नव प्रवेसी युवाहरुको उपस्थिति रहेको सो अन्तरक्रियामा युवा र राजनीतिको वारेमा छलफल भएको थियो ।

कार्यक्रममा बोल्दै डा. भट्टराईले अवको राजनीति विकासका लागि हुने र त्यसमा युवाहरुको सहभागिता अनिवार्य हुने भनाइ राखेका थिए ।उनले नेपालको विकास आफ्नै जीवन कालमा देख्न चाहेको र त्यो सम्भव हुने भन्दै युवा हरुको बौद्धिक र श्रम पलायन रोक्न विशेष योजना निर्माण गर्ने काममा आफु लाग्ने बताएका थिए ।

डा. भट्टराईले हरेक दिन बिमान स्थलमा देखिने युवाहरुको लाइनले सताउने भन्दै त्यसलाई रोक्न नेपालको विकास हुनु पर्ने र यहि उत्पादन मुलक कार्यहरु द्रुत गतिमा हुनु पर्ने बताएका थिए ।

आफ्नो युवा उमेर सम्झिदै उनले परिवर्तन युवा सहभागिता नभई सफल नहुने भन्दै कार्यक्रममा सहभागी युवाहरुलाई अवको रास्ट्र निर्माण अभियानमा लाग्न आग्रह गरेका थिए ।कार्यक्रम संचालक धुर्वराज न्यौपानेले युवाहरुलाई केन्द्रित गरेर विभिन्न खेलकुद र रचनात्मक गतिविधि संचालन गरिने बताएका थिए ।