गगनको तीव्र गति : एकै दिन ७ वटा चुनावी सभालाई सम्बोधन
कपन अनलाइन
काठमाडौ,भाद्र २९ ।
स्थानीय तहको निर्वाचनको प्रचार प्रसारका लागि तराई मधेस झरेका नेपाली कांग्रेसका युवा नेता गगन थापाले नयाँ रेकर्ड बनाएका छन् । उनले माओवादी अध्यक्ष प्रचण्डको रेकर्डसमेत तोड्ने भएका छन् ।
गगनले मधेसमा एकैदिन ७ वटा चुनावी सभालाई सम्बोधन गरेर नयाँ रेकर्ड बनाउन लागेका हुन् । यसअघि माओवादी अध्यक्ष प्रचण्डले ४ देखि ५ वटा सभासम्म एकदिनमा भ्याएका थिए । तर, युवा नेता गगनले सो रेकर्डलाई ब्रेक गर्न लागेका हुन् ।
कांग्रेसको प्रचार प्रसार समन्वय समितिका अनुसार प्रभावशाली नेता गगन थापाले आज एकैदिनमा रौतहट, बारा, पर्सा र सर्लाहीमा हुने ७ वटा चुनावी सभालाई सम्बोधन गर्ने कार्यक्रम छ । रौतहटको गजरा नगरपालिकामा अहिले विहान ९ बजे चुनावी सभा हुन लागेको छ, भने रौतहटकै विजयपुर, कथहरीया नगरपालिकामा पनि कार्यक्रम हुनेछ । त्यसपछि उनी आजै बाराको कोल्भी, सर्लाही र पर्साका विभिन्न ठाँउमा हुने कार्यक्रमहरुमा सहभागी हुने बताइएको छ ।
