पुग्यो म्यानचेष्टर युनाईटेड एफए कपको क्वाटरफाइनलमा

लण्डन, फागुन ८ (एजेन्सी)–म्यानचेष्टर युनाईटेड एफए कप फुटबलको क्वाटरफाइनलमा प्रवेश गरेको छ ।
गएराति भएको खेलमा रिडिङलाई २–१ गोल अन्तरले पराजित गर्दै युनाईटेड अन्तिम आठमा स्थान सुरक्षित गर्न सफल भएको हो । उसका लागि नानि रजाभियर हर्नान्डेजले खेलको दोस्रो

हाफमा तीन मिनेटको अन्तरालमा दुई गोल गरे । म्यानयुको घरेलु मैदान वल्ड ट्रफ्डमा भएको खेलको अधिकांश समय युनाईटेडले रिडिङलाई दबाबमा राखेको थियो ।
खेलको अन्तिम समयमा रिडिङका लागि जोवि म्याकनुफले सान्त्वना गोल गरेका थिए । सेमिफाईनल प्रवेशका लागि युनाईटेडले अब चेल्सी र मिडिल्सब्रोबीचको विजयीसंग खेल्ने छ ।