‘मलाई थाहा छ रोनाल्डो रिसाएका छन्’

कपन अनलाइन 

एजेन्सी, १४ असार । पोर्चुगी स्टार क्रिस्टियानो रोनाल्डोलाई लिएर रियल मड्रिडका प्रमुख फ्लोरिन्टो पेरेजले आफ्नो धारणा सार्वजनिक गरेका छन् । उनले भनेका छन्, ‘मलाई थाहा छ रोनाल्डो रिसाएका छन् ।’

३२ वर्षिय रोनाल्डोलाई कर छलीको आरोप लागेपछि उनले स्पेन छोड्ने निर्णय लिएका थिए । तर, पेरेजले रोनाल्डो रियलमा नै बस्न सक्ने सम्भावना पनि उत्तिकै रहेको बताएका छन् ।

उनले भनेका छन्, ‘मैले हालसम्म रोनाल्डोसँग छलफल गरेको छैन । कन्फेडेरेसन कप सकिएपछि उसँग हामी छलफल गर्नेछौ ।’

रोनाल्डोको तारिफ गर्दै पेरेजले भनेका छन्, ‘रोनाल्डो एकतामा विश्वास राख्ने मानिस हो । विभिन्न लान्छना वा आरोप लगाएर उसलाई आघात पार्ने काम गरिएको छ ।’