भैँसीले लतार्दा चौधरीको मृत्यु

कपन अनलाइन 

दाङ, २२ चैत । बबई गाउँपालिका–६ बुटकेवामा आज भैँसीले लतार्दा
एक महिलाको निधन भएको छ ।

भैँसी चराउन लैजाँदा बुटकेवा निवासी २६ वर्षीया कौशिला चौधरीलाई लतार्दा उनको मृत्यु भएको हो । चराइसकेपछि पानी खुवाउने क्रममा हातले दाम्लो समाएको अवस्थामा भैँसी दौडिएपछि चौधरी लतारिएको स्थानीय प्रकाश चौधरीले जानकारी दिनुभयो ।

गम्भीर घाइते चौधरीलाई उपचारका लागि तुल्सीपुर ल्याउँदै गर्दा बाटोमै मृत्यु भएको हो । रासस