बालउद्धार मावि को वृहत् खेलकुद सप्ताह सम्पन्न

कपन अनलाइन 

बुढानिलकण्ठ  नगरपालिका  वडा नम्बर १२ मा रहेको  बालउद्धार माविले  पुस १७ गतेदेखि संचालन गरेको  वृहत् खेलकुद सप्ताह कार्यक्रम हिजो समापन भएको छ । खेलकुद सप्ताहमा फुटबल, भलिबल, रिले दौड लगायतका खेलहरू भएका थिए । कार्यक्रममा प्रमुख अतिथि कर्मा छिरिङ शेर्पाले प्रतियोगितामा विजयी हुने टिमलाई पुरस्कार वितरण गर्दै  राष्ट्रको प्रतिष्ठा बढाउन खेलकुदले महत्वपूर्ण भूमिका खेलिरहेको बताए । “मानिस एउटा क्षेत्रबाट मात्र होइन, जुनसुकै क्षेत्रबाट पनि उत्कृष्ट बन्न सक्छन्, अहिले खेलकुद पनि लोकप्रिय भइरहेको छ, यो नै विकासको लक्षण हो ।”

विद्यालयका प्राचार्य होम प्रसाद वाग्लेले अविभावकले आफ्ना छोराछोरीलाई पढाइका अलावा खेलकुद र अन्य अतिरिक्त क्रियाकलापमा पनि लगाउनुपर्ने बताउँदै , शारीरिक तथा मानसिक स्वास्थ्यका लागि बच्चालाई खेलकुद सम्बन्धि ज्ञान सिपको विकास तथा प्रवर्द्धन गर्न बालउद्धार मावि लागिपरेको बताए  ।

सो अवसरमा विभिन्ना खेलका  विजयीहरुलाई  खेलकुद सामग्री हस्तान्तरण गर्नुकासाथै खेल क्षेत्रका व्यक्तित्वलाई कदरपत्र प्रदान गरिएको  विद्यालयका  खेलकुद तथा अतिरिक्त  कृयाकलाप संयोजक  राजेन्द्र बुढाथोकीले कपन अनलाइनलाई बताए ।