संबिधान संसोधन प्रस्तावको बिरोधमा एमालको कोणसभा
कपन अनलाइन
काठमाडौँ सरकारले ल्याएको संबिधान संशोधन प्रस्तावको विरुद्ध एमालले गाउँगाउँमा कोणसभा गरेर जनतालाई सूसुचित गराएको जनाएको छ ।आज क्षेत्र नं. ४ कपनको मिलनचोकमा भएको कोणसभामा बोल्दै एमाले नेता केशब बढालले संबिधान संशोधन विदेशी इशाराबाट आएको बताए ।
बडालले एमालले अभियानको बारेमा बोल्दै हाम्रो अभियान कसैका बिरुद्ध नभएको र राष्ट्रिय एकताको पक्षमा भएको बताए । बढालले तराइको विपक्षमा एमाले छ भन्ने दुष्प्रचार भ्रामक भएको भन्दै एमाले ५०० वर्ष पूरानो मधेशको पक्षमा भएको बताए । कार्यक्रमलाई उद्धव खरेलले पनि सम्बोधन गरेका थिए ।
त्यसैगरी धुम्बराही पिपलबोटमा भएको अर्काे कोणसभालाई सम्बोधन गर्दै एमाले नेता तथा तीन नम्बरप्रदेश सदस्य नारायण सिलवाल र शिवकुमारी खनालसहितका बत्ताहरुले सभालाई सम्बोधन गरेका थिए । उनीहरुले सम्बोधनमा अंगिकृत नागरिकताले देश लथालिंग हुदै गएको औंल्याउँदै बिहान बिहे गर्ने दिउँसो अंगिकृत नागरिकता लिने र साँझ मन्त्री हुने व्यवास्थलाई अनुमोदन गर्न नसकिने बताए ।
वक्ताहरुले आगामी २२ गते टुडिखेलमा हुने सभामा उपस्थित हुन अनुरोध गर्दै सबै नेपालीलाई एमाले भए पनि नभए पनि राष्ट्रियताको पक्षमा हुनुहुन्छ भने कार्यक्रम आइदिन अनुरोध गरेका छन् । आगमी २२ गते एमालेलगायत ९ दलले राजधानीमा संयुक्त सभा आयोजना गरिएको छ ।
त्यस्तै आजै क्षेत्र नं. ४ को चुनिखेलमा भएको कोणसभामा एमाले नेता निर्मल कुइकेलले सम्बोधन गरेका थिए । आजै भएको मण्डिखाटार कुमारी मन्दिरको कार्यक्रममा नेता टंक कार्कीले सम्बोधन गरेका थिए ।
भोलि पुष २१ ग्ते मैतीदेवीचोकमा डा राजन भट्टराईले सम्बोधन गर्ने, भगवतीबहालमा निर्मल कुइकेलले सम्बोधन गर्ने, चपलीमा केशव बडालले सम्बोधन गर्ने कार्यक्रम रहेको बताइएको छ । भोलि साँझ नै हुने अरु कोणसभाहरुमध्ये चावहिलमा केशव बडाल, गोल्फुटारमा टंक कार्की, आकाशेधारामा राजन भट्टराईले सम्बोधन गर्ने एमाले क्षेत्र नं. ४ सचिव ध्रुवराज न्यौपानेले कपन अनलाइनलाई बताएका छन् ।
