बुनपामा बजेटका लागि योजना छनौट भेला शुरू, भोलि बिहान ८ बजे वडा नं १३ र १८ को भेला

कपन अनलाइन, ५ पौष, २०७३

बुढानिलकण्ठ नगरपालिकाले  वडा वडामा बजेटका लागि योजना योजना छनौट भेला शुरू गरेको छ। हिजो आज ५ असारदेखि शुरू भएको योजना छनौट भेला ९ गतेसम्म बिभिन्न वडामा १-१ दिनको हिसाबले संचालित हुनेछ। आज वडा नं ४, ५ र ६ का लागि बुढानिलकण्ठ मन्दिर परिसरमा भेला भएको थियो ।  जनतासँग साक्षात्कारसँगै हुने बजेट मागमा हरेक वडाले प्राप्त गर्ने रु ४५ लाखमध्येबाट छानिने योजनाका लागि भोलि वडा नं १३ र १८ मा भेला हुँदैछ । संयुक्त वडा सचिव मुकुन्द खड्काले कपन अनलाइनलाई बताए अनुसार  बुनपाको १३ र १८ मा भोलि पौष ६ गते बिहान ८ बजे भेला हुनेछ  । बुनपा १३ को विजय भगवती मन्दिरमा भेला हुनेछ भने वडा न. १८ को संयुक्त वडा कार्यालय अगाडि हुने पनि खड्काले जानकारी दिए ।
वडा नागरिक मञ्च तथा संयुक्त वडा कार्यालयको रोहवरमा स्थानीय निकायको रोहवरमा हुने यस कार्यक्रममा जनसामान्यको योजनालाई प्राथमिकताको आधारमा लिइनेछ । त्यसैगरी वुनपा वडा नं. १४ र १९ सिलिङ बजेट छनौट ७ गते हुनेछ । वडा नं. १४ को घटराज भट्टराई सालिक अगाडि र वडा नं. १९ को आकाशदेवी मन्दिर अगाडि हुने पनि संयुक्त वडा सचिव मुकुन्द खड्काले बताए ।