आकाश : वन्दना पौडेल
कपन अनलाइन
काठमाण्डौ ,जेष्ठ २३।
१. नीलो छ आकाश माथि, सपना उड्छ टाढा,
मनभित्र उज्यालो छ, छैन कुनै बाधा ।
२. बादल आए ढाक्नलाई, घाम फेरि मुस्कायो,
दुःखभित्र पनि जीवनले आशा फेरि पायो ।
३. जूनतारा झिलिमिली, रातभरि चम्किन्छन्,
थाकेका यी आँखाहरू फेरि सपना देख्छन् ।
४. चराझैँ उड्न मन छ, खुला नीलो गगनमा,
स्वतन्त्रताको गीत गुञ्जोस् हरेक मनमा ।
५. कहिले वर्षा बन्छ आकाश, कहिले घाम झर्छ,
समयसँगै मानव जीवन अनेक रंग भर्छ ।
६. विशाल छ यसको मुटु, सबैलाई समेट्ने,
दुःखी मनका पीडालाई मौन बनी सुन्ने ।
७. क्षितिजपारि कतै होला नयाँ उज्यालो बाटो,
संघर्षपछि फुल्ने गर्छ सफलताको पाटो ।
८. आँधी आए डराउनु छैन, फेरि बिहान हुन्छ,
कालो रात सकिएपछि सुनौलो घामले छुन्छ ।
९. आकाशजस्तै विशाल बनोस् हाम्रा सोच र भावना,
प्रेमले भरियोस् सधैं मानवताको कामना ।
१०. माथि हेर्दा लाग्छ मलाई संसार कति ठूलो,
सपना देख्ने हिम्मत आखिर आज कसले भुल्यो ।
सहकार्य : कपन बानेश्वर साहित्यक साप्ताहिक
