दुई मुक्तक : भारद्वाज मित्र

कपन अनलाइन

काठमाण्डौ ,माघ १९।

न्याउलीका वासन्ती भाकाले नबोलाऊ
छायाँजस्ता नक्कली प्रीतले नचलाऊ
आखिर मन्का कुनाहरु रुवाउनै त होला
महमा डुबाएका तीता गीतहरु नपिलाऊ

एकान्तमा पुग्नासाथै एक्लिएको मन
तिम्रैमात्र सम्झनामा एकोरिन्छ झन
मलाईमात्र हो कि यस्तो त्यता पनि हुन्छ
नढाँटेर ए मायालु मन्का कुरा भन।

सहकार्य : कपन बानेश्वर साहित्यिक साप्ताहिक