१६ औ टिआईए अन्तरविद्यालय बास्केटबल भ्याली पब्लिकको दोहोरो जित

कपन अनलाइन
काठमाडौं, कात्तिक २९।
काठमाडौंमा जारी टिआईए अन्तरविद्यालय बास्केटबल प्रतियोगिताको तेस्रो दिन भ्याली पब्लिक स्कुलले दोहोरो जित निकालेको छ ।
बुढानिलकण्ठस्थित टिआईएको कोर्टमा भएको खेलमा भ्याली पब्लिकले छात्रतर्फ ज्ञानोदय र छात्रातर्फ चाँदबाग स्कुललाई हरायो । छात्रतर्फको खेलमा भ्याली पब्लिक स्कुलले ज्ञानोदयलाई ५०–४१ स्कोरले हरायो । भ्याली पब्लिकको जितमा पासाङ शेर्पाले १८ स्कोरको योगदान गरे । छात्रातर्फ प्रकृति खड्काले ८ स्कोरको योगदान दिँदा चाँदबागलाई २८–१५ ले पराजित ग¥यो ।
प्रतियोगिताअन्तर्गत बुधबार भएका अन्य खेलमा छात्रातर्फ मिल्सबेरी, ग्रिनल्याण्ड र एनसीसीएस विजयी भए । मिल्सबेरीले दुर्गा भवानी स्कुललाई, ग्रिनल्याण्डले ज्ञानोदयलाई र एनसीसीएसले टिआईएको ए टिमलाई हरायो ।
छात्रतर्फ गेटवे एकेडेमीले ज्ञान निकेतनलाई ५०–४३ ले र निम्स स्कुलले सेब स्कुललाई ३६–२३ स्कोरले हरायो ।