बम माथि गोली हानियेको विरोधमा आज मुलुकभरका न्यायालय बन्द

काठमाडौ, २१ जेठ । सर्वोच्च अदालतका न्यायाधीश रणबहादुर बमको हत्याको विरोधमा आज देशभरका न्यायालयहरु बन्द गरिएको छ । ४ दिनअघि सर्वोच्च अदालतका न्यायाधीश बमको काठमाडौंको शङ्खमूल नजिकै अज्ञात ब्यक्तिहरुले हानेको गोली लागेर मृत्यु भएको थियो । मन्दीरबाट फर्केर कार्यालाय जाँदै गर्दा गोली लागेर गम्भीर घाइते बमको थापाथलीस्थित नर्भिक अस्पतालमा उपचारकोक्रममा मृत्यु भएको थियो । १८ गत्ते बसेको सर्वोच्च अदालतको पूर्ण बैठकले बमको हत्याको विरोध र शोकमा आज देशभरका न्यायालय बन्द गर्ने निर्णय गरेको थियो । बमको हत्याको बारेमा छानबिन तथा अनुसन्धान गर्न समिति गठन गरिएको भए पनि कुनै ठोस उपलब्धी  हासिल गर्न नसकिएको समितिले जनाएकोछ ।