अध्यक्ष कार्की र प्रधानान्यायाधीश श्रेष्ठबीच भेटघाट

प्रधानन्यायाधीश श्रेष्ठले प्रेस जगत र अदालत स्वतन्त्रताका संरक्षक संस्था भएकाले उनीहरु एक अर्काका प्रतिस्पर्धी र वैकल्पिक संस्था हुन नसक्ने बताउँदै त्यसको संरक्षण गर्नु दुवैको साझा उत्तरदायित्व भएको विचार राख्नुभयो । अदालतमा प्रेसविरोधी मुद्दाहरु उल्लेख्य संख्यामा नरहेको भन्दै उहाँले अदालतले सदैव मिडिया मैत्री दृष्टिकोण लिनेमा आश्वास्त पार्नुभयो । स्वतन्त्र प्रेसको निर्वाध उपयोग गर्न पाउने मुलुकहरुको सूचीमा नेपाल रहेको बताउँदै प्रधानान्यायाधीश श्रेष्ठले नेपाली प्रेसले वैज्ञानिकता र संयमता भने अपनाउन जरुरी रहेको बताउनुभयो ।