इमान : राजु क्षत्री ‘अपुरो’ (लघुकथा)

कपन अनलाइन

काठमाण्डौ ,माघ २०।

उनी सदा मर्निङ वाक गरेपछि चिया पिउँदै अखबार पढ्थे । त्यसपछि खानाखाएर पढाउन जान्थे । यो उनको दैनिकी थियो ।

एकदिन  पढाउन जाने क्रममा उनले बाटोमा स्यामसुङ्ग कम्पनीको मोबाइल फेला पारे । निकै खोज खवर गरेर सम्बधित मान्छेको हात मै बुझाइदिए ।

अर्कोदिन कुनै नारीको पर्स भेट्टाए । चानचुन रु. १०,००० रहेछ । खोजतलास गरेर हस्तान्तरण गरिदिए । सबैले उनको इमानदारीको गुणगान गाए । उनको इमानदारीको चर्चा हुन थाल्यो ।

आज बिहान मर्निङ वाकजाँदै गर्दा उनले डेढ तोलाको सिक्री फेला पारे । उनले दायाँ हेरे, बायाँ हेरे अनि टपक्क टिपेर खल्तिमा हाले ।

त्यो बेलाउनी रित्तो घाँटी लिएर हिंडेकी कचकचे श्रीमतीलाई सम्झेर मुसुक्क मुस्कुराए ।

सहकार्य : कपन बानेश्वर साहित्यिक साप्ताहिक

तपाइँको प्रतिक्रिया ।